ARDESIA, Gallis ARDOISE

ARDESIA, Gallis ARDOISE

lapidis caerulei species, ex quo in tenues lamellas seu scandulas fislo, aedium tecta operiuntur. Martinus in Vita B. Mariae de Malliaco num. 32. Tectum ligneum ---- in

lapidem commutavit, quod Ardesias vocant. Hodie passim in usu, at veteribus olim ignota: Refert enim Plin. l. 16. c. 10. Romanos usos scandulis seu ligneis assulis et sectilibus asserculis. Ab ardendo, ut videtur Philandro ad Vitruvium l. 2. c. 1. Nostri utuntur caeruleis in nigro sectilibus laminis crustisve. Is lapis serrâ dentatâ, ut lignum, secatur assulatimque frangitur, non ut coeteri in caementa, Ardesiam vocamus, credo ab ardendo, quod e tectis ad Solis radios veluti flammas iaculetur. Eiusmodi testas, ut et figulinas qui conficiunt, Ο᾿ςτρακάριοι Theophani dicuntur. Car. du Fresne Glossar. Vide et infra in voce Scaglia; sic enim et illae nonnullis dicuntur, ex Italico Scaglia, i. e. Squama; Squamarum enim more in tectis conseruntur, etc.